દીવાળીની ઉજવણી શી રીતે થાય ?...

પ્રશ્ન : દીવાળીની ઉજવણી શી રીતે થાય ?
ઉત્તર :
પહેલી વાત તો એ કે પ્રભુના શાસનમાં પર્વોની આરાધના પ્રધાન છે, માત્ર ઉજવણી નહીં.આરાધના તપ-ત્યાગ વગેરેથી થાય. કલ્યાણકના દિવસે તપ-જપ કરીને આરાધના કરવાની છે.
દીવાળીમાં છટ્ઠ કરવો તે આરાધના છે, કારણકે પ્રભુએ છેલ્લે છટ્ઠ કરેલો. પૌષધ કરવાનો, દેવવંદન કરવાના, ભગવાનનો જાપ કરવાનો - આ બધી આરાધના.
ઉજવણી રૂપે પ્રભુની ભક્તિ થાય તો સરસ. ભગવાનની આંગી કરાય.. દેરાસરનો શણગાર થાય.. પ્રભુભક્તિના ગીતો ગવાય.. બીજા ક્ષેત્રોમાં દ્રવ્યનો સદ્વ્યય, ભક્તિ વગેરે દ્વારા પણ ઉજવણી થઇ શકે.
પણ તમે ઉજવણીનો અર્થ ઉજાણી (ખાવું-પીવું) કરી નાખ્યો છે. દીવાળી એટલે મીઠાઈ અને ચોળાફળી ખાવા. એવી ઉજવણી પ્રભુના શાસનને માન્ય હોઈ શકે ?
પ્રભુનું શાસન લોકોત્તર છે. તપ-ત્યાગની વાત કરે. ‘રાગ-દ્વેષ ઘટાડવાની વાત કરે.’ પોતાના ઇન્દ્રિયના રાગ પોષાય તે રીતે કલ્યાણક ઉજવવા, તે પ્રભુના શાસનને માન્ય હોઈ શકે ખરું ? તે વિચારવા જેવું બને છે.
Article written by P.P. Bhavyasundar Vijayji Maharaj Saheb.

Comments