સંસાર અને મોક્ષનું મૂળ...

• માથાનો દુઃખાવો હોય, તેને ગોળીમાં સુખ દેખાય છે, ગોળી લેવાથી સુખનો અનુભવ થાય છે.

  જેને માથાનો દુઃખાવો છે જ નહીં, તેને ગોળીમાં સુખ દેખાતું પણ નથી, અનુભવાતું પણ નથી.

  વાસ્તવમાં તે વગર ગોળીએ સુખી જ છે.

  
  

• તે રીતે, સામગ્રીની તૃષ્ણા હોય, તેને જ સામગ્રીમાં સુખ દેખાય છે - અનુભવાય છે.

  જેને સામગ્રીની તૃષ્ણા જ નથી, તેને સામગ્રીમાં સુખ દેખાતું જ નથી.

  તે વગર સામગ્રીએ સુખી જ છે.

  
  

  1. જેને મીઠી ભેળ જ જોઇએ, તેને મીઠી ભેળ મળે, તો જ સુખી થાય.

  2. જેને ગમે તેવી, પણ ભેળ જ જોઇએ; તેને ભેળ મળે, તો જ સુખી થાય.

  ૩. જેને પેટ ભરવા ગમે તે ખોરાક જોઇએ, તેને ખોરાક મળે, તો જ સુખી થાય.

  4. જેને શરીર જ ન હોવાથી કોઇ અપેક્ષા નથી, તે સદા સુખી જ છે.

  
  

• આ ચારે જીવો ઉત્તરોત્તર વધુ સુખી છે, કારણકે તેમની અપેક્ષા ઓછી છે.

  આપણે ડાળીઓ કાપી, પણ 'સુખ સામગ્રીમાં જ છે' એવી સમજ રૂપી સંસારનું મૂળ

  અડીખમ ઊભું રાખ્યું.

  મૂળ અડીખમ હશે, તો કાપેલી ડાળીઓ ફરી ઊગશે.

  
  

• જ્યાં સુધી એ મૂળને આપણે ઊખેડીશું નહીં.. 'સામગ્રીમાં સુખ છે જ નહીં' એ સમજને

  આત્મસાત્‌ કરશું નહીં.. ત્યાં સુધી આપણો સંસાર ઊખડવાનો નથી.

  
  

• એક વાર પણ એ સમજ આત્મસાત્‌ કરી કે 'સુખ સામગ્રીમાં નથી', તો સંસારનું

  મૂળ ઊખડી જશે. એક પુદ્‌ગલ પરાવર્તમાં આપણો મોક્ષ થઇ જશે !

  
  

Extract from Book Adhyatma Path written by P.P. Bhavyasundar Vijayji Maharaj Saheb.

અધ્યાત્મ પથ (Adhyatma Path)

₹25.00₹10.00

Buy Now